Дарагія землякі!
KULIANY.BY сардэчна віншуюць усіх вас з Новым 2026-ым годам!
Няхай усё дрэннае, усе страты і расчараванні застануцца ў мінулым.
Няхай 2026-ты будзе для ўсіх нас лепшым, весялейшым за папярэднія. Каб спраўдзіліся ўсе нашыя надзеі!
Міру, здароўя, дабрабыту, шчасця, усяго самага-самага найлепшага вам і вашым блізкім!
І не губляймася! Будзьма разам!
.
Дарагія землякі!
Шчыра віншуем вас з надыходзячымі святамі — Новым годам і Калядамі!
Няхай 2021-ты прынясе нам усё толькі самае найлепшае! Шчасця, здароўя і дабрабыту ўсім!
Часцей, часцей прыпамінай…
Імёны паўшых смерцю храбрых
За родны край, наш мілы край, –
Каб над зямлёй, што млела ў ранах,
Плыў гэты сіні-сіні ранак,
Цвіў гэты белы-белы май, –
Часцей, мой друг, прыпамінай!
Прыпамінай часцей, мой друг,
Імёны тых, што ўсё зрабілі –
Вышэй усіх тваіх заслуг,
Што, як і ты, да слёз любілі
Маністы ўвосень на рабіне
І ў ліпкіх смолках майскі луг, –
Не забывай пра іх, мой друг!..
Ніл ГІЛЕВІЧ
Учора мяне павіншаваў на Фэйсбуку з днём нараджэння мой блізкі сябра, паэт Аляксей Белы сваім прыгожым вершыкам. І я падумаў, што гэты вершык можа быць як тост для любога кулянца, таму ахвотна падзялюся з вамі:
Жадаю жыць з каханнем і з любоўю,
І радасцю каб поўніліся дні!
Другі ўжо дзень п’ем за тваё здароўе,
Ты за сябе таксама КУЛЯНІ! далей
Не палічыце, калі ласка, за нясціпласць, але мяне на фэйсбуку сёння так прыгожа павіншаваў з днём нараджэння мой сябар, паэт Аляксей Белы, што хочацца падзяліцца:
…А лета надыдзе — махнем у Куляны,
Там ціха, там светла, там глуха…
І ў лесе пад елкай «накрыем паляну»,
І будзем Суміцкага слухаць.
А сёння апошняй лістоты кружэнне…
Алесь, доўгіх год, светлых дзён. З нараджэннем!
Сёння, 14 лістапада, адзначае свой дзень нараджэння Наташа Ламанос (Чак). Шчыра віншуем яе з гэтай нагоды, шлем свае самыя найлепшыя пажаданні: здароўя, шчасця і дабрабыту табе, Наталка, і тваім родным 😉 Няхай цешаць дзеткі сваімі поспехамі! Няхай радуюць блізкія людзі!
Дзякуем, што не забываеш пра свае кулянскія карані і прысутнічаеш на нашым сайце!
Няхай паспрыяе твайму добраму настрою гэтая прыгожая песня ў выкананні Веранікі Кругловай:
